Fréttir

Flotasveitin "Frelsum Gasa"

©30. maí Asher Intrater

Þegar þessi grein er skrifuð eru fimm skip á leiðinni að strönd Ísraels með það að markmiði að "brjóta gegn hafnarbanni" á Gasa til þess að koma hjálpargögnum til fólksins á Gasa. Tilgangurinn er hins vegar ekki mannúðarstörf, þar sem Ísraelar leyfa að hjálpargögn séu keyrð til Gasa og Ísraelar hafa nú þegar tilkynnt að þeir vilji að hjálpargögnin verði keyrð til Gasa.

Flotasveitin "Frelsum Gasa" samanstóð upphaflega af átta skipum en vegna tæknilegra örðugleika og þeirrar staðreyndar að Kýpur stóð með Ísrael og leyfði skipunum ekki að leggjast í höfn þar, þá hefur fjölda skipanna fækkað og komu skipanna seinkað. Þeir sem styrkja þessi skip er bandalag vinstrisinnaðra öfgamanna og Íslamskra Jihad manna. Þeir eru að reyna að koma á fjölmiðlaumfjöllun sem lætur Ísrael líta illa út. Ef Ísraelar leyfa þeim að leggjast að landi á Gasa mun það hafa áhrif á fullveldi landsins og ógna öryggi. Ef við stöðvum flotasveitina, þá munu fjölmiðlar útmála Ísraela sem andstæðinga mannúðarmála og hjálparstarfs. Sumir í Ísrael hafa sagt: "Það er alveg sama hvað við gerum, við töpum".

"Mannúðarsamtökin" sem styðja flotasveitina eru Jihad aðilar sem styðja Hamas og vilja tortíma Ísrael. Flotasveitin hefur mestan stuðning frá Tyrklandi. Hingað til hefur Tyrkland verið hófsamt múslimaríki með gott samband og samskipti við Ísrael. Á síðastliðnum tveimur árum, hefur forsætisráðherrann, Erdogan, verið að færa stjórn landsins í átt til herskárra Íslamista. Bæði í innanlandsmálum og á alþjóðavettvangi. Hann hefur gert bandalag við Írani og nú er sambandið við Ísrael þvingað.  

Vinur okkar í Tyrklandi skrifar: "Það er athyglisvert að við erum með Íslamista og ótrúaða vinstrimenn sem sameinast í að koma hjálpargögnum til fólksins á Gasa með þann gagngera tilgang að smána Ísrael, vitanda það að án heimildar frá yfirvöldum, fá þeir aldrei að leggjast að höfn á Gasa."

Ísrael mun ekki leyfa skipunum að leggjast að höfn á Gasa. Áætlun sjóhers Ísraels er að fara með skipin að höfn í Ashdod, fara með hjálpargögnin þaðan til Gasa og bjóða aðilum flutning til baka í heimalands sitt. Hins vegar gætu átök á sjó eða við Ashdod haft alvarlegar afleiðingar. Biðjum að hjálpargögnin komst til Gasa; biðjum fyrir öryggi Ísraels og sjálfstjórn landsins; biðjum fyrir því að fjölmiðlar vakni og átti sig á þessum áróðri Jihadista; biðjum að ríkisstjórn Ísraels geti ráðið við þessar aðstæður með visku og vísdóm.

Sönnun  tilveru okkar

eftir Amiel Intrater

Smámyntin í Ísrael í dag er eftirlíking fornrar myntar Gyðinga. Sem dæmi má nefna að smámynt sem er eitt shekel er eftirlíking smámyntar frá tímum Esra og Nehemía. Ísrael var þá undir yfirráðum Persa og smámyntin hafði táknmynd sem svipaði til annarra umdæma Persa. Hins vegar, á annarri hlið smámyntarinnar var orðið "Júdea" greypt í með fornu hebresku letri.

Nýlega keypti einn kennari minn forna mynt frá tímum Hasmonia í forngripaverslun í Austur-Jerúsalem. Dagsetning myntarinnar er frá tímum Alexander Yanay, eða um 100 árum fyrir Jesús. Fyrir utan menningarlega, sögulega og fornleifafræðilega vitneskju um þessa smámynt, þá sannar hún líka tilvist okkar.

Þessi smámynt sannar að Gyðingar bjuggu í landinu Ísrael fyrir meira en 2.000 árum síðan. Með því að hanna nútímasmámynt okkar með fornum táknmyndum, þá bendum við á þá staðreynd að þetta land var byggt upp af okkar fólki á fornöldum.

Úkraínu verkefni

Hópur fólks sem kemur bæði erlendis frá og frá Ísrael (margir frá söfnuði okkar) eru í þessari viku á ferðalagi til Úkraínu til að sinna trúboði og þjónustu. Vinsamlega biðjið fyrir þessum hóp sem er leiddur af Ron Cantor, Eli Birnbaum og SI. Mættu margar sálir snertast af Drottni og mætti Messíanskt samfélag í Úkraínu styrkjast!

Þjónusta í Bandaríkjunum

Biðjið fyrir Asher og Betty en þau munu þjóna þessa viku hjá Tikkun samfélaginu og á ráðstefnu, í kirkju Immanuel og El Shaddai söfnuðinum. Þjónustan mun samanstanda af kennslu og hljómleikum með vin okkar Paul Wilbur. Þetta er eina vikan í Bandaríkjunum allt árið 2010.

Fræðilegur áhugi á nýja sáttmálanum

Nýlega höfum við fengið tækifæri á að tala við nemendur sem hafa sýnt áhuga á Nýja Sáttmálanum. Þetta eru fjórir nemendur í herskóla sem voru að skrifa greinagerð um Messíanska Gyðinga, tveir fyrirlesarar sem fjölluðu um Nýja Sáttmálann (ekki trúaðir), hópur með 20 nemendum sem voru við nám til að verða leiðsögumenn og hópur kennara og starfsfólks grunnskóla. Biðjum fyrir frelsi þeirra þegar þetta fólk rannsakar málefni Messíanskra Gyðinga. Megi málefni Yeshua og Nýja Sáttmálans ná réttum stað í háskólum Ísraels í dag!

Alþjóðlegur Bænadagur í Nasaret

Síðasta sunnudag tókum við þátt í Alþjóðlega Bænadeginum í Nasaret. Það voru kristnir arabar sem héldu utanum Bænadaginn. Það voru um 800 manns sem komu, þmt. Messíanskir Gyðingar frá tólf samfélögum. Araba-pastor þvoði fætur Gyðinga-pastors, og svo þvoði Gyðinga-pastorinn fætur Araba-pastorsins (Jóhannesarguðspjall 13). Nýfrelsaður Ísraeli var undrandi yfir kærleikanum og samfélaginu milli okkar. Hann sagði: "Það er mjög slæmt að stjórnmálamenn og fjölmiðlar gátu ekki séð það sem gerðist hér. Það myndi breyta heiminum."