Sýn okkar (og vonandi þín líka) er að uppfylla kristniboðsskipunina sem Yeshua (Jesús) gaf okkur. "En þér munuð öðlast kraft, er heilagur andi kemur yfir yður, og þér munuð verða vottar mínir í Jerúsalem og allri Júdeu, í Samaríu og allt til endimarka jarðarinnar.” Postulasagan 1:8

Það eru augljós tengsl milli starfs Heilags Anda og alheims-trúboðs. "Andi Drottins er yfir mér, af því að Drottinn hefir smurt mig. Hann hefir sent mig til að flytja nauðstöddum gleðilegan boðskap" - Jesaja 61:1
Sumir vilja upplifanir karísmatísku vakningarinnar en vilja ekki taka þátt í persónulegu trúboði. Aðrir vilja vera með trúboðsherferðir, án yfirnáttúrulegra upplifana frá Heilögum Anda. Hvorugt er rétt. Þetta tvennt þarf að fara saman.

Þessar tvær tilskipanir - Heilagur Andi og trúboð - eru tengdar þriðju tilskipuninni "Ísrael. Postulasagan 1:8 var gefin sem svar við spurningu postulanna í Postulasögunni 1:6 - "ætlar þú á þessum tíma að endurreisa ríkið handa Ísrael?"  Gyðingarnir á þessum tíma voru með tímasetninguna ranga. Það átti ekki að vera á þeirra tíma (1. öld), heldur á okkar tímum (21. öld). Það var ætlað Yeshua strax við fæðingu Hans, að vera konungur í Ísrael. (Mattheus 2:6, Lúkas 1:32, Jóhannes 18:37), og Hann mun snúa aftur, í seinni komu sinni og uppfylla þá áætlun.

Endurreisn konungsríkis Ísraels mun ekki gerast án Heilags Anda vakningar og alheims trúboðs. Konungdómur Yeshua kemur frá "Jerúsalem" og nær til "endimarka jarðarinnar", Skírn Heilags Anda, alheimstrúboð og endurreisn konungsríkisins fer allt saman. Bænahreyfingin, trúboðshreyfingin og messíanska hreyfingin mynda þrefaldan þráð.

Án endurreisnar Ísrael er ekki hægt að skilja endatímana. Á sama hátt og Yeshua var hrifin upp frá jörðu til himins, þannig mun hann snúa aftur til Jerúsalem. "Þessi Jesús, sem varð upp numinn frá yður til himins, mun koma á sama hátt og þér sáuð hann fara til himins." - Postulasagan 1:11  Fljótlega munu fætur Hans standa aftur á Olíufjallinu: Sakaría 14:4 - “Fætur hans munu á þeim degi standa á Olíufjallinu, sem er austanvert við Jerúsalem”

Yeshua er höfuð kirkjunnar og konungur Ísraels. Konungsríki hans tengist endurreisn Ísrael og kirkjunnar. Sumir Gyðingar vilja endurreisn Ísrael án kirkjunnar, og sumir kristnir vilja endurreisn kirkjunnar án Ísrael, en það er ekki hægt að hafa bara annað hvort.

Skírn Heilags Anda gerir okkur kleift að sinna alheimstrúboði. (Postulasagan 1:8) og alheimsvakningu (Postulasagan 2:17). Afurð trúboðs og vakningar er alþjóðlegt samfélag einlægra tilbiðjenda (Opinberunarbókin 7:4-9). Þetta samfélag trúaðra er kallað “Brúðurin”. Þegar hún er tilbúin fyrir endurkomu Yeshua, þá mun Hann koma. Opinberunarbókin 19:7 – “því að komið er að brúðkaupi lambsins og brúður hans hefur búið sig."
Þetta samfélag heilagra sem talað er um í 19 kafla Opinberunarbókarinnar, skiptist í tvo aðgreinda hópa: annar er Ísrael (vers 4); hinn er alþjóðlegur (vers 9).

Opinberunarbókin 7:4 – Og ég heyrði tölu þeirra, sem merktir voru innsigli, hundrað fjörutíu og fjórar þúsundir af öllum ættkvíslum Ísraelssona voru merktar innsigli.
Opinberunarbókin 7:9 – "Mikill múgur, sem enginn gat tölu á komið, af alls kyns fólki og kynkvíslum og lýðum og tungum. Þeir stóðu frammi fyrir hásætinu."

Við köllum þetta “tvíþætta endurreisn Ísraels og kirkjunnar.” Leifar Ísraels og kirkjan um allan heim sameinast í einum andlegum líkama. Samt lýsa ritningarnar þeim sem tveimur aðskildum hópum. Brúður Messíasar samanstendur af tveimur tjaldbúðum sem sameinast í eina, eins og brúðurin í Ljóðaljóðunum.

" Hvað viljið þér sjá á Súlamít? Er það dansinn í tvíflokknum?" – Ljóðaljóðin 6:13.  

Þessir tveir hlutar, Gyðingar og heiðingjar, eru færðir saman í einingu til að verða "einn nýr maður - Efesus 2:15, og með því að vera græddir á sama "Olíuviðinn" - Rómverjabréfið 11:17

Rómverjabréfið 11 fjallar ekki aðeins um tvenns konar endurreisn, heldur tvær tegundir uppfyllingar – eina fyrir Ísrael (vers 12) og aðra fyrir heiðingjana (vers 25).

Rómverjabréfið 11:12 – "þegar þeir (Ísrael) koma allir með tölu."

Rómverjabréfið 11: 25 – "þangað til heiðingjarnir eru allir komnir inn.."

Endurreisn Ísraels mun verða í tveimur liðum, fyrst náttúrulega, og síðan andlega (1. KOrintubréf 15:46). Núverandi Ísraelsríki er aðeins hluti af endurreisninni, ekki uppfylling. Andleg endurreisn Ísraelsríkis eru Messíanskar leifar innan Ísraels sem mun halda áfram að vaxa þar til fjöldinn verður 144.000; og að ending ná takmarkinu þegar "þannig mun allur Ísrael frelsaður verða - Rómverjabréfið 11:29

Uppfylling Ísraels er þjóðarvakning sem mun brátt eiga sér stað. Hinsvegar er vakningin háð fyrirbiðjendum kirkjunnar. Það er uppfylling kirkjunnar sem mun fæða fram uppfyllingu Ísraels. "Forherðing er komin yfir nokkurn hluta af Ísrael og varir þangað til heiðingjarnir eru allir komnir inn. Og þannig mun allur Ísrael frelsaður verða,”

Ef uppfylling kirkjunnar fæðir fram uppfyllingu Ísraels, hvað mun þá uppfylling Ísraels fæða fram? – Upprisu dauðra. Rómverjabréfið 11:15 - hvað verður þá upptaka þeirra annað en líf af dauðum?” Upprisa dauðra mun eiga sér stað við seinni komu Yeshua og við upphaf þúsundára ríkisins.

Við getum tekið saman sýn Yeshua fyrir Ísrael og kirkjuna svona: 1. skírn Heilags Anda, 2. Alheims trúboð, 3. Uppfylling kirkjunnar, 4. Endurreisn Ísraels, 5. Þúsund ára ríki Yeshua.

--------------------------------------------------------------------------------------------------

Fyrirbænaefni: Öllum til undrunar þá fundaði forsætisráðherra Benjamin Netanyahu seint á laugardaginn, með leiðtoga Kadima flokksins, Tsipi Livne. Þetta var síðasta tilraunin til að koma á ríkisstjórn. Biðjum að Guðs vilji verði við myndun ríkisstjórnarinnar.

Alvarlegt myndband: Palestínumaður sem er kristinn vinur okkar áframsendi þetta aðvarandi 8 mínútna myndband sem fjallar um róttæk markmið Íslam:

http://www.tangle.com/view_video.php?viewkey=0861ff3eabea1ceb73e4